يا هيه ياللي تــقول إنا هـــوازن = حنا شبابة من عصور الصـــحابة
قول موثــق والمصــادر درازن = ماهوب قول مرددين الإجـــــــابة
والا وش يفرقنا بوقت المــوازن = بين القبائل باللقا والحـــــــــرابة
نــهـار تنفيد الفشـــق والمخــازن = لي جت قبائل نجد مثل العصــابة
الا جذور قريش أهل التــــوازن = روس العرب والسيف تروي ذبابة
وبالنخوة أسهمنا من الفخر حازن = ما حاز مالك في عصور النهابة
وياهيه ياللي تقول إنا هــــــوازن = حنا كنانة من سلالة شبـــابة
هذا الصحيح ووازن القول وازن = وراع هوازن خلة يشعب إركابه
القائمة الرئيسية
الـصـفـحـة الـرئيسية
v2.0.5